Հայտարարվել է մրցույթ՝ Հանրային հեռարձակողի խորհրդի անդամի թափուր տեղի համալրման համար
Հեռուստատեսության և ռադիոյի հանձնաժողովը (ՀՌՀ) տարածել է հայտարարություն՝ Հանրային հեռարձակողի խորհրդի անդամի թափուր տեղի համալրման համար մրցույթ անկացնելու մասին։
Մրցույթին կարող են մասնակցել Հայաստանի Հանրապետության քաղաքացի հանդիսացող, հայերենին տիրապետող և բարձրագույն կրթություն ունեցող, տեսալսողական բնագավառի, ինչպես նաև գիտության, կրթության, մշակույթի և լրագրության ոլորտի գործիչներ:
Ավելի վաղ, մարտի 31–ին կայացած ՀՌՀ նիստում հաստատվել էր ժամանակավոր մրցութային հանձնաժողովը՝ հետևյալ կազմով․
- Տեր Բագրատ եպիսկոպոս Գալստանյան – ՀՀ Տավուշի թեմի առաջնորդ,
- Արա Երնջակյան – ՀՀ ժողովդական արտիստ, բեմադրիչ, դրամատուրգ, արվեստագիտության թեկնածու,
- Դավիթ Մուրադյան – Գրող, կինոգետ, պրոֆեսոր,
- Մարգարիտա Մնացականյան – Երևանի թատրոնի և կինոյի պետական ինստիտուտի դասախոս, դոցենտ, պիեսների հեղինակ,
- Կամո Հովհաննիսյան – Մշակույթի վաստակավոր գործիչ:
Մրցույթին մասնակցելու դիմումին և անհրաժեշտ փաստաթղթերի ցանկին կարող եք ծանոթանալ այստեղ։
Մրցույթի արդյունքներով հաղթողին որոշելու նպատակով Մրցութային հանձնաժողովի նիստը տեղի կունենա 2021 թվականի ապրիլի 22-ին։