Հանրային հեռարձակողի խորհրդի՝ լրագրողների մասնագիտական վարքագծի կանոնների պահպանման վերաբերյալ հաշվետվություն
Հանրային հեռարձակողի խորհուրդը ներկայացնում է լրագրողների մասնագիտական վարքագծի կանոնների պահպանման վերաբերյալ 2023 թվականի առաջին կիսամյակի հաշվետվությունը։
2023 թվականի առաջին կիսամյակում Հանրային հեռարձակողի խորհուրդն իր նախաձեռնությամբ և ստացված բողոքների հիման վրա քննել է 4 դեպք, ընդունել է եզրակացություններ, տվել է կարծիք, որոնց հիման վրա 2 դեպքում գործադիր տնօրենները կիրառել են կարգապահական միջոցներ.
- ԵԶՐԱԿԱՑՈՒԹՅՈՒՆ Հանրային հեռուստաընկերության «Հարցազրույց․Պետրոս Ղազարյանի հետ» հաղորդման վերաբերյալ
- Հանրային ռադիոընկերության «Ստատուս քվո» հաղորդաշարի (05.03.2023) թողարկման վերաբերյալ
- ԵԶՐԱԿԱՑՈՒԹՅՈՒՆ Հանրային հեռուստաընկերության «Կնոջ օրագիր» հաղորդաշարի վերաբերյալ
- ԿԱՐԾԻՔ Հանրային հեռուստաընկերության «Կերպարից դուրս․Սուպեր Սաքո» հաղորդման վերաբերյալ ։
«Տեսալսողական մեդիայի մասին» ՀՀ օրենքի համաձայն Հանրային հեռարձակողի խորհուրդն իր լիազորությունների շրջանակում, «ստացված բողոքների հիման վրա կամ իր նախաձեռնությամբ ուսումնասիրում է լրագրողների մասնագիտական վարքագծի կանոնների խախտման դեպքերը և ընդունում է խորհրդատվական բնույթի եզրակացություն» (Հոդված 27, կետ 13)։
Հանրային հեռարձակողները 2019 թվականից միացել են Հայաստանի ԶԼՄ-ների էթիկայի ինքնակարգավորման նախաձեռնությանը և առաջնորդվում են Հայաստանի լրատվամիջոցների և լրագրողների էթիկական սկզբունքների Կանոնագրով: